سەردەمێ خۆشبوو وڵاتی دزەیی
دزەیی
لە کتێبی:
دیوانی موخلیس
بەرهەمی:
موخلیس (1910-1985)
1 خولەک
637 بینین
سەردەمێ خۆشبوو وڵاتی دزەیی
خۆش حەیاتێ بوو حەیاتی دزەیی
نەبوو هیچ قەومێک لە نزیک و لە دوور
نەگەییبا بە براتی دزەیی
دەبوو مەحفووز بێ سەر و ماڵی کەسێ
بەگییبایە قەڵاتی دزەیی
لە قەبیلە و [لە] عەشایەر کەم و زۆر
نەبوو هەیبێ دەسەڵاتی دزەیی
چ وجودێکی نەبوو لەشکری زۆر
لە بەرابەر بە غەباتی دزەیی
لەهەم شۆڕوشەڕێ ناوی هەبوو
کەلەن و سەبر و سەباتی دزەیی
هەموو ڕۆژ، ڕۆژ وەکوو شەو تاریک دەبوو
لە غوباری حەرەکاتی دزەیی
موخلیساناسناوی ئەدەبی ئاخری تێک چوو چ نەما
بە خراپە و بە قەباتی دزەیی