ئەی دلا گەر تە دڤێتن ببی دائم مەسروور
لە کتێبی:
دیوانی ئەحمەدی خانی
بەرهەمی:
ئەحمەدی خانی (1650-1707)
3 خولەک
1239 بینین
ئەی دلا گەر تە دڤێتن ببی دائم مەسروور
د تەرەبخانەئێ دونیا ڤەخوە ئاڤا ئەنگوور
پێ نەبە غەفلەتێ غەوغائێ جەهانێ بدڕین
ژ مەقامێ کو ب هش تێ ژ سەدایێ تەنبوور
زمزما زەمزەمەیا راهێ حوسەینی ژ حجازناوی تایبەت
ڤەخوونت کەعبەیێ دل تا بتە بيت المعمورعەرەبی
پەردەئێ زولمەتێ عشقا ل جەهانێ بدڕین
ژ نەزەرگاهێ جەمالێ تو حجابێ بکە دوور
مەنزەرێ دیدەئێ جانێ تە مونەووەر نەبتن
نەسلێ ما زاغعەرەبی نەکێشی تو ژ خال و خەتێ هوور
گونەهان گەر نەبویان لەززەت و زەوقەک حاشا
فاعل ئاسم نەدبوو، تارک و تائب مەئجوور
مەی و مەعشووق و هەوەسبازی و دونیایێ زوهوور
نەبوو وانا نەدبوو ئسمەکێ ئەللاهی غەفوور
من گونەهـ تێ ب گوناهان کو د نیڤ باغێ جەهان
سەمەرێ خوەشتر ئەڤن، بوون ب حەرامی مەشهوور
هنگی دەورێ فەلەکێ ساغەرێ مە دەور دکەت
مەهـ و سالان دگرت هەروە ژ عومرێ مە قوسوور
ڕابە ئەی ساقییێ مەهوەش تو ژ رەغما فەلەکێ
بدە من بادەئێ لەعلێ تو ژ جاما فەغفوور
شەیخێ جام ئەر نەفەسێ هەمدەمێ دل کەت بێ موراد
ل مورادێ دلێ موردە دبتن کەشفێ قوبوور
یەعنی ئەو خانەئێ گل نابتە قابل قەتعا
نە ب چەشمێ دلێ نازر نە ب ڕوویێ مەنزوور
عشقبازی دو تەریقن چ حەقیقەت چ مەجاز
شەمعێ جان دێ بسوژیتن چ ب نار و چ ب نوور
شەبێ زولماتێ ب ئمکانێ دبت سوبحێ نوما
ئافتابێ ئەحەدییەت ژ فەلەق تێتە زوهوور
سەر و مال و دل و جانێ مە فدایێ تە بتن
بکە قەلبێ مە تو ساقی ژ شەرابا خوە تەهوور
دا بکەم کەسبێ مەقامات و عولووێ دەرەجات
یا بکەم کەشفێ کەراماتێ ژ دارا مەنسوور
زاهدا گەر تە دڤێتن تو خودێ ناس بکی
وەرە بەر سایەئێ شەمشاد قەدان قەت مەچە دوور
ب زیارێ وەرە قەیدا شەجەرا وادیێ قودس
کو بزانی ببهی سیتێ أنا اللهعەرەبی ژ توورناوی تایبەت
ئەز لەما شیفتە و والهێ مەحبووبانم
کو د نیڤ ئایینەئێ جەبهەتێ وان من دییە نوور
هەر دەما نەترکێ خلخالێ بنێ تێنە خورووش
هەر دەما توررە ژ بەر تایێ قەسەب تێتە سودوور
یانە کاکول ژ کنارێ کولەهێ کەچ بدەرین
یا خەتێ مسکێ بڕێژ کەت ژ کنارێ کافوور
کافرێ عشقم ئەگەر ئەز نەدەمێ ئیمانێ
یا ب محرابێ بروویان نەبرم سەجدە ژ دوور
واعزا گوهـ بدە من دا ببهی نەقلێ سەحیح
موسحەفا چەهرەئێ خووبانە کتێبا مەستوور
دەفتەرێ عشقێ نەدا دەست تە موعەللم ژ ئەزەل
مەعنەیا ئایەتێ حوسنێ ل تە لەوما مەستوور
بێ تەکەللوف دخورم سووندێ ب قورئانێ شەریف
خانیاناسناوی ئەدەبی سوورەتێ جانانە ب من سوورەئێ نوور