ئەز چوومە دەرێ مەیکەدەئێ سوبحەیەکێ زوو
لە کتێبی:
دیوانی ئەحمەدی خانی
بەرهەمی:
ئەحمەدی خانی (1650-1707)
1 خولەک
1295 بینین
ئەز چوومە دەرێ مەیکەدەئێ سوبحەیەکێ زوو
من دی یەکی ئەسمەر
قامەت ب مسالێ دارێ شمشادێ دو گیسوو
مانەندی دو ئەژدەر
چین چین کربوو بسک ل سەر گەردەنێ روخسار
مانەندی دو شەهمار
کەرکەر دخوەشین زولفێ ل سەر قەوسێ دو ئەبروو
مانەندی دو شەهپەڕ
ماییم موتەرەققب مەگەر ئەو مەزەهرێ ئعجاز
جارەک ب دوسەد ناز
حالێ مە تەفەححوس بکە بێژە کو ئەسیرۆ
ئەز بۆ تەمە خەمخوەر
من گۆتی: د وەقتێ سەحەرێ ئەو چ تە دا من
ئەی سەرو قەدا من
گۆتی: تو نزانی چیە من دا تە فەقیرۆ
أعطيتك كوثرعەرەبی
حەتتا ڤەکە لەوحێ سەدەف و خامەئێ یاقووت
نێزیکی ب لاهووت
من سەیرکرن سدرە و تووبا قەد و دلجوو
نینن چو بەرابەر
هندی مەلەک و حوور و پەری بێنە تەماشا
حاشا ثم حاشاعەرەبی
کەنگی دبن ئەو لائقی نەززارەئێ ئەبروو
ئەی دل مەکە باوەر
یارێ ژ دەرێ مەیکەدەئێ من مەکە بێ بار
ئەی سەییدێ موختار
ساقی کو تووی أشهد باللهعەرەبیی کو ئیرۆ
خانیناسناوی ئەدەبی بوویە مەیخوەر