دیسان دلێ شەیدا ژ نوو بێ ئختیار پەرواز کر
لە کتێبی:
دیوانی ئەحمەدی خانی
بەرهەمی:
ئەحمەدی خانی (1650-1707)
1 خولەک
1533 بینین
دیسان دلێ شەیدا ژ نوو، بێ ئختیار پەرواز کر
سەیدەک دییە و بەردایە دوو، مەیل و فڕا شەهباز کر
مەیلا وی مەحزا حکمەتە، سەیدا وی عەنقا سیرەتە
تەیرێ وی بالا هممەتە، لەورا تەلەب ئەڤراز کر
عەنقا ب دەست کەس ناکەڤت، دامەک دڤێ ئەو دا کەڤت
نابت کو غافل ڕاکەڤت، ئێ قەسدێ سەیدا باز کر
سەییادییا من بوو عەبەس، دائم ل من تەنگ بوو قەفەس
راحەت نەبووم ئەز یەک نەفەس، من لەو ب ئەفغان ساز کر
ساز و سەمایا سوحبەتێ، گۆڤەند و چەرخا دەعوەتێ
فکریمە شەکل و قامەتێ، بیر تێیە من ب ئاواز کر
شەکلێ مەجازی چەندەکە، سەیدا حەقیقی وەردەکە
تەیغوونێ قەیدا لێ ڤەکە، بەحری مە بەر ئەنداز کر
نێچیر د بێ تەیغوون بتن، چەندەک ل پێشبەر خوون بتن
شونقار نە دێ مەجنوون بتن، ئەسکۆف ژ چاڤان باز کر
شونقارە چاڤ تەیغوونە دل، بەردانە دوو چاڤێت ب کل
خانیناسناوی ئەدەبی ئەوان گێڕا خەجل، لەورا مەجاز ئاغاز کر