ساڵێک لە بەغدا بۆ دائیرەیەکم نووسی کە...
لە کتێبی:
ڕشتەی مرواری (بەرگی ٣)
بەرهەمی:
عەلائەدین سەجادی (1907-1984)
1 خولەک
647 بینین
ساڵێک لە بەغدا بۆ دائرەیەکم نووسی کە بیست ڕۆژ ئەچم بۆ دەرەوە. ئەوا «ئەحمەدحەسەن» ناوم لە شوێنەکەی خۆم دانا بە وەکیل و لێم دا ڕۆیشتم و هاتمەوە، ئەم کاغەزە کەوتە موخابەراتی ڕەسمیەوە، لە پاش بیست ڕۆژی تر کاغەزێکیان لە لایەن دایەرەوە دامێ، نووسرابوو: «مانع نییە ئەم سەفەرەت بکەیت، بەڵام لە بەرئەوە وەکیلەکەت هێشتا ئیسباتی ئەهلیەتی نەکردووە، ئەبێ وەکیلێکی تر دابنێیت». منیش وتم: « کە واتە ئەم سەفەرە ناکەم».