وەهارەن تەشریف خاڵخاسان پەی هەرد
لە کتێبی:
دیوانی مەولەوی
بەرهەمی:
مەولەوی (1806-1882)
1 خولەک
1120 بینین
وەهارەن، تەشریف خاڵخاسان پەی هەرد
کەمکەم جوانیش ئاوەرد، پیریش بەرد
جەمجەم سۆسەنان جە تاق تەوق وەردان
سەردان نە هەردان پەرێ هامفەردان
وە ڕووی زاخاندا چنوور لوول وەردەن
پەی پای گیان تۆڕدام ئامادە کەردەن
بەڕەزا بەو چین توغرای تاتاوە
شەماڵ مشانۆش، یانی: وەی لاوە
نەرگس وە مەسمەس مدیۆ کێن ئەوکەس
گۆشەی چاکی دڵ وەرنەدۆ جە دەس
مەعدوومیناسناوی ئەدەبی، غەفڵەت تا چەند و پەی چی
گۆشدەر وە ناڵەی سەحەری نەیچی
دڵە وادەی سوبح نەووەهارانەن
وەختی ئاگاهیی دەردەدارانەن
هەر کەسێ دانش نەفامش نەبۆ
بینیی عیرفانشن زوکامش نەبۆ
گوروفتیی دەماخ نەدابۆ پەرداخ
پەیپەی بۆی ئازیز مەیۆش وە دەماخ
جەی بۆی گیانبەخشە بێبەش مەمانە
ئەی سوبحە خاسە وە فرسەت زانە
تۆ دیای وە شۆن چەند سوبحی نۆدا
کەو چەند سوبح بدیۆ وە شۆنی تۆدا