weharen teşrîf xałxasan pey herd
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
891 Dîtin
weharen, teşrîf xałxasan pey herd
kemkem cwanîş awerd, pîrîş berd
cemcem sosenan ce taq tewq werdan
serdan ne herdan perê hamferdan
we řûy zaxanda çinûr lûl werden
pey pay gyan tořdam amade kerden
beřeza bew çîn tuẍray tatawe
şemał mişanoş, yanî: wey lawe
nergis we mesmes midyo kên ewkes
goşey çakî dił wernedo ce des
me’dûmîNasnava edebî, ẍefłet ta çend û pey çî
goşder we nałey seḧerî neyçî
diłe wadey subiḧ newweharanen
wextî agahîy derdedaranen
her kesê danş nefamş nebo
bînîy ’îrfanşin zukamş nebo
guruftîy demax nedabo perdax
peypey boy azîz meyoş we demax
cey boy gyanbexşe bêbeş memane
ey subḧe xase we firset zane
to dyay we şon çend subḧî noda
kew çend subiḧ bidyo we şonî toda