ئێمە کوردین و ئەزانین عەبدی یەزدانین هەموو
لە کتێبی:
دیوانی شاهۆ
بەرهەمی:
شاهۆ (1882-1971)
1 خولەک
864 بینین
ئێمە کوردین و ئەزانین عەبدی یەزدانین هەموو
ئافەریدەی دەستی زاتی تاکی سوبحانین هەموو
ئالی ئێبراهیمی کوردین هەڵ بژێراوی گەلان
تابیعی دەستووری جوان و حوکمی قورئانین هەموو
لاینی کەس ناگرین قەت خۆرهەڵات، یا خۆرنشین
دۆستی گشتی مونسێفان و ئەهلی ویجدانین هەموو
کورد کە سی میلیون نفوسین بێ سەبەب بەش بەش کراین
دەست و پێ بەسراوی xxxxدەقی نائاشکرا هەموو
بیر و بڕوای لار و وێر و تەفرەقەی ناوخۆ و نیفاق
وا سەری شێواند لە کورد موحتاجی ئێحسانین هەموو
کوردی ئاوایشمان تیایە خزمەتی گیرفان ئەکا
خەیری بۆ کۆمەڵ نییە، بۆیە پەرێشانین هەموو
تاقمێ ڕێی چەوتی گرت و کۆمەڵێ بێ بار و لار
سەر لە کورد شێواوە شاهۆناسناوی ئەدەبی مات و حەیرانین هەموو