ئەگەر من شێت نەبم ئاخر لە سەودای گوڵ ڕوخانم چی

لە سایەی عەشقەوە عالەم سەراسیمەن لە فەریادم لە کێوی «پیرەمەگروون» و «سەگرمەی» مێحنەت و بادم لەغاوی حوکمی ئەو قەومە، درایە دەستی دوو نانی «سلێمانی» کە خاڵی ما لە دێوانی سولەیمانی کەمن زەنجیر کراوی، داوی دوو زۆڵفی چەلیپا بم کەمن مەشغوڵی، دەرسی، خەت و خاڵی تورکی تەرسا بم لە گەرمی کرپە و، لرپەی شەرارەی ئاگری دووری لە ڕوویی ڕوومدا، حوکمی نەما، قانونی مەسرووری لە سەیلی خوێنی دیدەم مەجلسم ڕەنگینە گوڵزارە سورویشکم مەی نەفەس سەمتوور سینەم ساز و دڵ تارە هەموو سوور و سپی تێکەڵ میسالی دوڕ و مەرجانە لە دانەی ئەشکە من گرتوومە تۆ، تەزبێحی سەد دانە کەزامی دڵ بە ناسۆر بێت و بێ مەرهەم قەناعەت کەم لەبۆ باقی حەیاتم تابە قووتی خەم، قەناعەت کەم وەکوو دەروێشی ئەم دەوریشە خۆم شێت و دەبەنگ ناکەم مەلام و ئەهلی تەقوام و بەمەی سەجادە ڕەنگ ناکەم بوتی سیمین تەنم، تاکوو لەژێر پەردەی حەیادا بێ تلووعی ماهی من وەک حوسنی یۆسف تا لە چادا بێ سەراسیمەم لە گێژاو گێژی دەوری چەرخی ئەفلاکا لیباسم تا پڵاس و جاوی مێحنەت بێ لەئەم خاکا