مانگی ڕەمەزان ڕۆیوە جێژنی ڕەمەزان ھات
لە کتێبی:
دیوانی عاسی
بەرهەمی:
مەلا مستەفای عاسی (1885-1975)
1 خولەک
1 بینین
مانگی ڕەمەزان ڕۆیوە جێژنی ڕەمەزان هات
هەر کوردی جەفا دیدە کەوا تووشی خەتەر هات
قەومێکە جگەرپارە بەسەر پەنجەیی ئەغیار
ئیمڕۆ کە پەراگەندەیە کەوتۆتە وەڵات
تەییارە خەتیبە، لە هەوا تۆپە مەئەززین
هەر دۆشکەیە دەسڕێژی ئەکا گوللە بە چوکڵات
ئەلغامە لە جێی تۆپی بەشارەت کە ئەتەقێ
دەببابە ئەلوورێنی دەڵێ کوردە ئەجەل هات
تیزابە لە جێی شەربەت و شەکراوە پڵاومان
هەرساتە لەناو ئێمە کە پەخشانی ئەکات
دەست ڕێژە لە هەر لاوە بە هەر نوعە چەکێکی
سەد جاشە کە نامەردە هجوومی کە دەکات
فورسەتە تۆش هو جاشە کەرەی ئەهلیی وڵات
سەیری بکە چۆن دوژمنی تۆ هەڵدەپەڕێ
دوو جێژنەیە ئیمڕۆ کە لەلای ئەهلی خەرافات
ئەلئان پڕە ئەو دەشتە لە چەند لەشەیی جاشی
گورگ و چەقەڵ و ڕێوییە ئەولاشەیە ئەخوات
.............................................دەقی نائاشکرا
.............................................دەقی نائاشکرا
نێزیکە کە عاسیناسناوی ئەدەبی لە خەفەت ئێوە بفەوتێ
بوونەتە چەند فرقەیی بێهۆش وجونات