پیاوێک هەبوو لە سولەیمانی تووشی داوی ژنێک...
لە کتێبی:
ڕشتەی مرواری (بەرگی ٨)
بەرهەمی:
عەلائەدین سەجادی (1907-1984)
1 خولەک
745 بینین
پیاوێک هەبوو لە سولەیمانی تووشی داوی ژنێک بووبوو. پارەیەکی زۆری تیا خەرج ئەکرد، هەموو کەسیش ئەیزانی وایە. من ئەیناسم، لام وایە تۆیش ئەیناسی. پێیان ئەوت بۆ چ هەر یەکجار نایهێنی و تووشی ئەو مەساریفە زۆرەش نابیت. ئەویش ئەیوت بەڵێ ڕاستە، بەڵام لەزەتی ئەوەم لە دەست دەرئەچێ کە هەر جارە بە دزە دزە بۆی بچم و ئەویش وەعدم بداتێ و درۆم لەگەڵ بکا.