بۆ مەدهۆشی شاعیر و بەڵێنەکەی
لە کتێبی:
دیوانی کاکەی فەلاح
بەرهەمی:
کاکەی فەلاح (1928-1990)
1 خولەک
600 بینین
نەفس بە هیوای ئەو بەڵێنە بوو
هێلکەی چی؟! هەمووی دوو زەردێنە بوو
وتیان بێ خوێیە، من کەتامم کرد
بەینی بەینەڵڵا هیچ بێ خوێ نەبوو
پیرییە، یان خەم زەینی کول کردوون
بیر تیژیی ئێوە خۆ کەم وێنە بوو
چوارشەممە و شەممە و سەفەر دوایی هات
دەنگی تەلەفۆن بۆ بەر گوێ نەبوو
سەرما خەریکە دوورکەوێتەوە
جڵقەی هێلکە بۆر لە هیچ کوێ نەبوو
قەرز کۆن ئەبێ، بڵێی نەفەوتێ؟
مەسەل کۆنە، هی ئەمڕۆ و دوێ نەبوو