مەلائیک شاهد خودا عەلیمە
بۆ وەستا حەمە سەلیم خەیاتی تەوێڵەیی
لە کتێبی:
دیوانی مەلا حەسەنی دزڵی
بەرهەمی:
مەلا حەسەنی دزڵی (1859-1946)
2 خولەک
456 بینین
مەلائیک شاهد، خودا عەلیمە
ئەم عەرزە بۆ لای حەمە سەلیمناوی تایبەتە
ئەم عادەتەی من ڕەسمی قەدیمە
پێی ناخۆش نییە، هەرکەس کەریمە
وەستای موحتەرەم، سەلیمی خەیات
ئاوی دەم شیرین، وەک ئاوی حەیات
جاداری مەرحووم محەممەد ڕەزاناوی تایبەت
وجودت سالم، بەدەن بێ قەزا
چرای تاقمەی گشت مەکینەچی
خزمەتکارت بێ دووسەد پینەچی
ئەر تۆ لە جادەی ڕاسی دەرنەچی
نایەتە ڕێگەت ناڕاسی و کەچی
موبارەکت بێ ئەو مەکینەی ڕەش
فابریقەی حەڵەبناوی تایبەت، کارخانەی حەبەشناوی تایبەت
دەستی پێدانێ، بێ غوبار و لەک
با بێتە جونبش، وەک چەرخی فەلەک
حەرەکەی سەریع بە ئیستیدارە
هەر وەک قەتاری، سەبعەی سەیارە
هاڕەی بە وێنەی، تەرزەی بەهارە
بەرقی سەوادی، ئەڵێی ڕەشمارە
ئەو زنجیرەی ورد، ئەو بەقیەکاری
ئەو نەقشی چینی، خەتی نیگاری
هەر شایستی تۆ و، لایەق بە خۆتە
ئەمما تۆ نەبڕی، بەرگی الموتعەرەبیە!
با بێ بەرەکەت، نەبێ سنعەتت
با لەلای خودا، زۆر بێ نیعمەتت
خودا گەرم کا، ڕەواجی کارت
گەرمی ماڵەکەت، گەرمی بازاڕت
بەو قەد و باڵای شۆخ و شەنگەوە
بەو ئەلبیسەی چاک، هەزار ڕەنگەوە
تا دێرزەمانە، یا خوا باقی بی
دایم لە لیباس، بەدەن ساقی بی
لە پاش هەدیەی، وەزیفەی سەلام
دۆعاگویی خەیر، وەختی سوبح و شام
حەمە سەلیمناوی تایبەت گیان، ئەم جار نۆبەمە
نۆبەی حەرارەت، گەرمی سۆبەمە
ئەمن پارەکە، کاغەزێکم نارد
زەحمەتم کێشا، چەن تاڵاوم خوارد
بۆ چی لەگەڵ من، خیتابت نەبوو
بە بوون و نەبوون، جوابت نەبوو؟
من مەلای ئیمام، تۆ مەکینەچی
تۆ دەروون گەورەی، تۆ چی و کینە چی؟!
وا بێ مەرحەمەت، لەگەڵ من بۆ چی
خۆ تۆ ڕوو خۆشی، بێ مڕ و مۆچی!
ئیعاشەی منیش، شەکرە یا چایی
مەرحەمەت بکە، بە دڵ نەوایی
جەزاکەی پاریش، هەم قەزا بکە
بە هیممەتی خۆت، من ڕەزا بکە
تا من بخوێنم، دۆعای دەوامت
خۆت و نیشانەی، عالی مەقامت
باقی من مەشغووڵ، دۆعاگویی تۆم
چاوەڕێی هاتن، شەکر و چایی تۆم!