لەو ناو جافایەتییە دوو برا و دوو خوشک...

لەو ناو جافایەتییە دوو برا و دوو خوشک چوار سەر مەڕیان ئەبێ لە سەر بەشکردنەکەی ڕێ ناکەون، ئەیبەنە لای مەلا مۆمن بۆیان بەش بکا و پێی ئەڵێن: لێمان بەش کە و شتێکیش بۆ خۆت هەڵگرە هەقی تەعوەکەت، ئەویش ئەڵێ سێ بە سێ لێتان بەش کەم چۆنە؟ هەر لەگەڵ ناوی سێ بە سێ دێنێ زۆریان پێ خۆش ئەبێ ئەڵێن زۆر چاکە. ڕوو ئەکاتەت دوو براکە و ئەڵێ: ئێوە دوو، ئەوەش مەڕێک ئەوە سێ. ئەمجا بۆ خۆیشی ئەڵێ: مەڕەکان دوو منیش یەک ئەوە سێ بەم جۆرە بەشی ئەکا و ئەوانیش زۆر دۆعای خێری بۆ ئەکەن و لێ ئەدەن ئەچنەوە هەرلایەکیان بە بەشی مەڕی خۆیانەوە.