هەژار گێڕایەوە وتی پاش ئەوەی کە ڕەزا شا...
لە کتێبی:
ڕشتەی مرواری (بەرگی ٥)
بەرهەمی:
عەلائەدین سەجادی (1907-1984)
1 خولەک
707 بینین
هەژار گێڕایەوە وتی:
پاش ئەوەی کە ڕەزا شا لە ئێرانا هاتە سەر حوکم، فەرمانی دەرکرد، کە هەموو کەس ئەبێ کڵاوی پەهلەوی لەسەر کەن، لەسەر ئەمە لە وڵاتی ئێرانا، هەرا لەناو مەلاکانا پەیدا بوو، کە ئایا بە لە سەر کردنی کڵاوی پەهلەوی کافر ئەبن یا نابن؟ مەلا سەلیمێکی ژێیی هەبوو لە سابڵاخ، ئەو هەر لەسەر ئەوە بوو هەر کە ئەم کڵاوە لەسەر کا کافر ئەبێ، هەندێ لە مەلایانی تریش بەرپەرچیان ئەدایەوە و ئەیانوت وا نییە، ئەویش ئەیوت: «ئەوا کڵاوی پەهلەوی بۆ ئێوە، ئەی بۆ تەقویمی باخەڵی چ دەبێژن؟ بەویش هەر کافر نابن».