کابرایەکی مەنگوڕی زستان ئەبێ ئەچێتە سەر...
لە کتێبی:
ڕشتەی مرواری (بەرگی ٥)
بەرهەمی:
عەلائەدین سەجادی (1907-1984)
1 خولەک
582 بینین
کابرایەکی مەنگوڕی زستان ئەبێ ئەچێتە سەر ئاو، دەست بە ئاو ئەگەیەنێ، لە پاشا دەست ئەکا بە دەستاوەکەدا و ئاو ئەدا بە خۆیەوە، لەو وەختەدا کە ئاوەکە فڕێ ئەدا بۆ خۆی، لە ترسی ساردی ئاوەکە خۆی بەرز ئەکاتەوە و ئاوەکەی لێ ناکەوێ ئەڵێ: «ئەی لە دایەلێت بەرم نەیگرت». چەند جارێ هەر ئاو ئەدا بە خۆیەوە خۆی بەرز ئەکاتەوە و نایگرێ، ئاخر جار ئەڵێ: «هەر ئەوەیە، ئەمجارەشت بۆ فڕێ ئەدەم گرتی گرتی، نەیگرت، بە گوونی بارگیرەکێمەوە».