شێخ مەجیدی شێخ محەمەدی بریندار هەبوو لە ...

شێخ مەجیدی شێخ محەمەدی بریندار هەبوو لە سلێمانی، ئەمە ژنی نەهێنا بوو. هەر لە خانەقای حاجی مەلا عەلیدا ژیانی خۆی ڕابواردبوو؛ لە گەنجییەوە تا پیری. ساڵی بۆمب و بۆردمانەکە خەڵکی گەڕەک بە ژن و پیاو و منداڵ و کوڕ و کچەوە لە ترسی بۆردمان هەبوو چوبوونە حەوشەی خانەقاوە. دیارە ئەبێ ئەوە چ ترس و لەرزێک بووبێ ڕووی کردبێتە ئەو عالەمە و هەر یەکە ئەبێ لە چ حاڵێکدا بووبن؟ کە چی ئا لەو کاتەدا ئەچێ باوەش ئەکا بە کۆڵەکەی مزگەوتەکەدا و سەیرێکی دیمەنی ئەو زەرد و سوور و بەترسانە ئەکا ئەڵێ: خەفەت بۆ بێ خەفەتی خۆم ئەخۆم!