کابرایەکی هەژار لەو کوێستانە لە بەر کێوێ...
لە کتێبی:
ڕشتەی مرواری (بەرگی ٤)
بەرهەمی:
عەلائەدین سەجادی (1907-1984)
1 خولەک
741 بینین
کابرایەکی هەژار لەو کوێستانە لە بەر کێوێکی گەورەدا ڕائەوەستێ و زۆر بە تامەزرۆییەوە ئەڵێ: خوایە ئەم کێوەم بۆ بکە بە زێڕ. سەیر ئەکا کێوەکە بوو بە زێڕ! واقی وڕ ئەمێنێ کە ئەمەی چۆن بۆ هەڵگیرێ. ئەڵێ: خوایە هەرکەس داوای کەمت لێ ئەکا کوێر بێ. سەیر ئەکا هەر دوو چاوی کوێر بوو.