لە خانەقین لە کۆڕێکا دانیشتبووین قسە لە...
لە کتێبی:
ڕشتەی مرواری (بەرگی ٢)
بەرهەمی:
عەلائەدین سەجادی (1907-1984)
1 خولەک
530 بینین
لە خانەقین لە کۆڕێکا دانیشتبووین، قسە لەوەوە ئەکرا کە خوا هەر وەعدێکی دا، بەجێی دێنێ؟ بەڵام ئایا ئەگەر وەعدی ئەویش بەجێ دێنێ؟ لەمەوە قسە چووە سەر ئەوە، ئەو کەسانە کە کافرن و ئیشی خزمەتی ئینسانیان کردووە، ئایا ئەبێ بچنە جەحەنەم؟ وەکوو ئەو کەسە کە کارەبای داهێناوە، بەم خزمەتەی تۆ بڵێی خوا لێی خۆش ببێ.
مەلا عارفی مەلا یەحیا لە سەرەی قسەدا وتی: «فڵانی! ئەگەر خوا پرس بە من بکا بۆ لێخۆشبوونیان، من فەتوا ئەدەم کە لێیان خۆش ببێ». منیش وتم: «کەواتە من پێی ئەڵێم پرست پێ بکا».