جوولەکەیەکی سولەیمانی کۆتاڵفرۆش بە کۆڵان...
لە کتێبی:
ڕشتەی مرواری (بەرگی ١)
بەرهەمی:
عەلائەدین سەجادی (1907-1984)
1 خولەک
647 بینین
جوولەکەیەکی سولەیمانی کۆتاڵفرۆش بە کۆڵانێکا ئەڕوا چاوی لەبەر پێی خۆی نابێ، سەگی لە سەر ڕێگا ئەبێ، پێ ئەنێ بە قاچی سەگەکەدا، پیاوێکی ئاسووری لە باڵەخانەوە چاوی لێ ئەبێ بانگی ئەکا: جووە ئەوە بۆ چی پێت نا بە قاچی باوکتا؟ جوولەکە دەست ئەبا قاچی سەگەکە هەڵئەبڕی و تەماشای ناولنگی ئەکا ئەڵێ: کوا؟ خۆ خەتەنە نەکراوە!