کوڕێکی کورد هەبوو گاڵتەچی بوو، هەموو ڕۆژ...
لە کتێبی:
ڕشتەی مرواری (بەرگی ١)
بەرهەمی:
عەلائەدین سەجادی (1907-1984)
1 خولەک
962 بینین
کوڕێکی کورد هەبوو گاڵتەچی بوو، هەموو ڕۆژێ کە ئەڕۆیشتەوە ماڵەوە دایکێکی پیری هەبوو لێی ئەپرسی: ڕۆڵە دەنگوباس چییە؟ ڕۆژێک دیسان پرسی، کوڕەش وتی: بە خوا دایە ئیمڕۆ بە فەرمانی پاشا جاڕیان دا هەرچی بێوەژنێک دانێکی مابێ ئەبێ شوو بکا، هەرکەس نەیدا بە شوو تووشی جەریمە ئەبێ! پیرێژنەیش وتی: ڕۆڵە دەخیل خۆت تووشی جەریمە مەکە، ئەوەتە، من دوو کوتەرە دانم ماوە!