دوو ژن پێکەوە هەویریان ئەشێلا، هەروا بە...
لە کتێبی:
ڕشتەی مرواری (بەرگی ١)
بەرهەمی:
عەلائەدین سەجادی (1907-1984)
1 خولەک
1045 بینین
دوو ژن پێکەوە هەویریان ئەشێلا، هەروا بە دەم قسەوە یەکێکیان لەوی کەیانی پرسی چەند شووت کردووە؟ ئەویش وتی:
ئیسک و میسک و مستەفا
حافە و جەمشید و بولوەفا
هەباس و هەیاس و میرتەوراس
گۆرانە هیزەی مێشک کاس
نۆ لەم هۆزی، نۆ لەو هۆزی
یەک لە بەر هەتاو خۆی ئەدۆزی
چنگم لە هەویرە،
هەر هێندەم لە بیرە!