پیرێژنێکی کورد هەبوو لە ژوورەکەی خۆیا...
لە کتێبی:
ڕشتەی مرواری (بەرگی ١)
بەرهەمی:
عەلائەدین سەجادی (1907-1984)
1 خولەک
1238 بینین
پیرێژنێکی کورد هەبوو لە ژوورەکەی خۆیا لە بەر قاپییەکە خەریک بوو دوخی ئەڕست، وردەوردە بە دەمییەوە لەنگەرییەک قاوەتیشی لە تەنیشت خۆیەوە دانابوو، بە لوێچ ئەیکرد بە دەمیا، بەڵام بای ئەهات نەیئەهێشت تۆزێ لێی بچێتە دەمییەوە. کابرایەک بەوێدا تێپەڕی، لێی پرسی پوورە فەرخی ئەوە چی ئەخۆی؟ وتی: بەخوا برام تا ئەم بایە لەم کونەوە بێت هیچ!