واچدێ ئەی دڵبەر جە مەیلم چی دەروونت هاڵیا
لە کتێبی:
هەوارگەی دڵان
بەرهەمی:
سەید تاهیر هاشمی (1915-1991)
1 خولەک
786 بینین
واچدێ ئەی دڵبەر جە مەیلم چی دەروونت هاڵیا
یا جە مەیلێونی پەڕا، یا شێوەکەت بەد حاڵیا؟
چوون فەڵەک تا کەی چەنیم کەچگێڵ و بەدڕەفتارەنی؟
ئەی فەڵەک، مەنزڵ چەنیو ئادیت مەگەر هاوماڵیا؟
وەس بە کێلو سفتەکەو جەرگیم بکەر دیدەت سیاو
مەتڵەبت گەر بەختو من بێ. هەر جەزەڵ جێم حاڵیا
هەر مەلێوە تێژ باڵا، ئەوجو گیڵایش بەرزتەرا
بەرزیەکەو پەروازو عاشق، عیلەتش بێباڵیا
چون وەروو زمسانی ئەر سەد، ڕوەت چەنی من تاڵە بۆ
ماچوو شیرینا جە لام، چون عیللەتم ڕووتاڵیا
عاشقێ ماچا کە خاڵ، پەی ڕوومەتو یاران وەشا
ڕوومەتوو یارووئەمن، جوانیش چەنیو بێخاڵیا
دڵبەرا، تاهیر جە داخت ڕێیەوەش گرتێنە وەر
حاسڵش داخا، نەتیجەش شێتی و عەوداڵیا