waçdê ey diłber ce meylim çî derûnit hałya
From the Book:
Hewargey Diɫan
By:
Seyyed Taher Hashemi (1915-1991)
1 minutes
739 views
waçdê ey diłber ce meylim çî derûnit hałya
ya ce meylêwnî peřa, ya şêweket bed ḧałya?
çûn fełek ta key çenîm keçgêł û bedřeftarenî?
ey fełek, menził çenîw adît meger hawmałya?
wes be kêlu siftekew cergîm biker dîdet syaw
metłebit ger bextu min bê. her cezeł cêm ḧałya
her melêwe têj bała, ewcu gîłayş beriztera
berzyekew perwazu ’aşiq, ’îletiş bêbałya
çun werû zimsanî er sed, řwet çenî min tałe bo
maçû şîrîna ce lam, çun ’îlletim řûtałya
’aşiqê maça ke xał, pey řûmetu yaran weşa
řûmetû yarû’emin, cwanîş çenîw bêxałya
diłbera, tahîr ce daxt řêyeweş girtêne wer
ḧasiłş daxa, netîceş şêtî û ’ewdałya