لێی تێبگە ئەو جاکە حەلوابێ
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
752 بینین
دەڵێ بەدبینە میللییەت لە دین جایز نییە و نابێ
لە پارێزی ببن، لێی تێ بگەن ئەوجا کە حەلوابێ
وتی من مەردی جەنگم هەر کەسێ باوەڕ بەوی دەکرێ
پیاوی مەرد ئەبێ دیاری ئەلەو ڕۆژە کە دەعوابێ
لەدینە وایە هەر کەس دینی زیاتر بێ ئەوە گەورە
لە ئیسلاما لە کوردی من هەیە دیندارتری با بێ!
بەدین بێ هۆگری، عالەم دەبێ هۆگر بەکوردی بێ
هەموو پیاو و ژنی گەل گەل، ئەگەر نۆکەر ئەگەر شابێ
دروستە سەرفرۆی بێ دینی بم، هۆگر بەناوی دین
بەخۆی هاوار ئەکا دینم نییە، دوژمنمە ساوابێ
فریبی ئەم درۆ و دام و، تەڵەی تۆرانییان نابێ
مەگەر مێشک گرانێ بێ، لە هۆشا وەک کەر و گا بێ
ئەوانەی وا ئەوانیان پێ دەوێ، بۆ دین نییە هەرگیز
هیوایان کیسە پڕ بێ، دەس لە ڕۆنا، لوقمە گەورا بێ
لە نیشتمانت ئەسیریناسناوی ئەدەبی تیا هەبێ ئەم جۆرە پیاوانە
وڵاتت دۆزەخە خۆشی، ئەگەر وەک شام و سەنعا بێ