هۆنراوە
لە کتێبی:
دیوانی ئەسیری
بەرهەمی:
ئەسیری (1895-1962)
2 خولەک
927 بینین
ڕۆڵە مەربووتی خەلافەت بە، خەلیفەی عەرەبی
لە سولالەی عەلی-یە ڕەبتی ڕەسوولە نەسەبی
بەهەموو مەزهەبێ مەقبووڵە ئیمامی حەقە
لە کەماڵە حەسەبی، هەم نەسەبی، هەم ئەدەبی
ئەوە ئیمڕۆکە ڕەئیسی هەموو ئیسلامی جیهان
هەموو ئیسلامی جیهان هەر بەوە شان و شەرەفی
بەیعەتی لازمە بێ شوبهە حوسەین ئیبنی عەلی
ساکنی ماڵی خودایە، دوژمنی دینە هەدەفی
ئەوە بوهتانە دەڵێن لەشکری ئیسلامی شکان
گوایە لەو لەشکرە سەرکردە بوو فەیسەڵی خەڵەفی
ئەوە تەئدیبی کەسێ بوو کە لە خوا عاسی بوو
کردی ئەو بێ ئەدەبە غارەتی ئەموالی نەبی
چ ئەزایێکی بەهەم سایەی پێغەمبەر کرد
سەبەبێکی نەبوو ئەو ئیشە، مەگەر بێ ئەدەبی
چووە ڕەوزەی نەبەوی ئەو قسەیەی کردی جەمال
بیبیێ هەرچی کەس هەڵدە چێ بەحری غەزەبی
ئەوە شەیتانە، دەجووڵێ لە عەلیهی شورەفا
لەعنەتی خوای چووە سەر، کەم نەبوو ئادەم شەرەفی
تەلعەت و ئەنوەر و جاوید، جەماڵ جاهید
تەفرەقەی عونسوری ئیسلام ئەمان بوون سەبەبی
ئەی ئەسیریناسناوی ئەدەبی باغیزانی شورەفا هەر خەجەلن
گەر بەریبن لە شەفاعەت نییە ڕاستی عەجەبی