داء المیللە
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
663 بینین
خەڵکی خۆرئاوا بزانی چی ئەزانن وڕ ئەبی
گەشتی شار و کارخانە و کردەیان کەی، سڕ ئەبی
سەیری وێرانە و کەلاوەی خاکی کوردستان بکەی
تێدەگەی حاڵی گەلت، ئەوجا لە داخا مڕ ئەبی
بۆچی وەک گەل گەل، تۆ نابی هۆگری پیاوی گەلت
وا لەبەر چیتە پەشێو و هەر لەیەک بڕ بڕ ئەبی
تا لەسەر ئەم بیرە بی، وا بێ ڕەوشت و کردەوەت
هەر وەها مات و پەشێو و، ملکەچ و جل شڕ ئەبی
دوژمنی گەورەی خۆتی، بۆ مەردمی دی نۆکەری
ئاخر و ئەنجامی تۆ کوردە، بزانە قڕ ئەبی
لاوی کوردی من، نەمامی نەوڕەسیدەی میللەتی
وەک پێشوونانت بجووڵێی، دیارە تۆشم زڕ ئەبی
ئەی ئەسیریناسناوی ئەدەبی تووشی دەردێ بوویتە دائولميللةعەرەبییە
ناگەڕێ زارت هەتا دەمری، لە گۆڕا کڕ ئەبی