کاسەی پڕ لە خوێن
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
544 بینین
دڵ سەبووریت بۆ نییە، ئارام و وێستانت نییە
ڕێگەیی یارت نییە، هیوایی دڵدارت نییە
هەر وەکو کەو بەندی داوی، یا لەژێر پەنجەی هەڵۆی
مردنت دیوە بەچاوت، ڕێیی ڕزگارت نییە
تووشی شەهبازێ بووی، توانایی نەزدیکیت نییە
بۆ ئەفرازیشت لە سەودایی ڕوخی چارەت نییە
بۆچی توند و تەنگ و تاریک و پەشێو و ئاتەشی
ئەی دڵی پڕ دەردی من، یاری شەدەلارت نییە
بۆ وەکو بۆتەی لە کوورە ئاتەشین و پڕ گڕی
هەڵبەتە تاکی وێرانەی، توڕڕە تاتارت نییە
چونکە پڕ دەردی لە دەردا، بووی بەکاسەی پڕ لە خوێن
دیارە یاری خۆشەویستی، کوڵمی گوڵنارت نییە
هۆ ئەسیریناسناوی ئەدەبی چونکە تۆش نوقمی لە دەریایی غەما
دیارە ساقی و موتریب و دەنگی نەی و تارت نییە