یانە
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
563 بینین
خانەگاهی مونەووەرە، یانە
یانە پێویستی ژینی لاوانە
ئەو سەرۆکەی کە ژووری هەمووانە
کەللەیی پڕ لە هۆش و فەن و زانە
ئەو کەسانەی کەوا لەوێ پایەن
دەس بژێری بڵندی کوردانە
کۆڵەگە و هێزی بەردی بنچینەی
ناوی مەعرووفە مەردی مەیدانە
ناوی فەڕینی یانە دەنگی دا
هەر لە فەرغانەوە تا وەکو غانە
یانە پێویستی ژینی لاوانە
ناژیێ بەچکە مەل بەبێ لانە
ئامەد و فەڕوو کار و فەن زانین
وا لەوێیە، بیدینە، بیزانە
چیت هەیە بیدەرێ ئەگەر کوردی
هەر لە ملیۆنێ تاکو یەک ئانە
بۆ ئەمەی هاتە دی ئەسەل جیاووک
ڕۆشنی دیدە وو هێزی جانانە
نووحی کوردی بژی بەبێ خانوو
زوو پەنادە ئەسیریناسناوی ئەدەبی بۆ یانە