سوودی زوان
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
591 بینین
مانی میللەت بەپارێزی زوانە
شایەدی ئەم وتە، ژینی کوردانە
زوانە نامووس و پیاوەتیی میللەت
زیندەوەکردنی ناوی کۆنانە
بۆیە ئەمڕۆ لە هەموو کۆمەڵی کورد
باسی زۆر و دەستی نەمەردانە
ئەوە ئەمڕۆ لە تەئریخی تازە
نووسین دەوڵەتی کۆنی کۆسانە
گفتوگۆ کردنی خۆشی لاوان
لە سنوور و وڵاتی میدیانە
لە قوتابخانە خوێندنی ساوان
بەزەیی و داد و عیلمی ساسانە
هێزی سەربازیی ئەردەلان ئەنووسن
شیعریان ڕۆژهەڵاتی بابانە
تۆپە گەورانی کۆنی قەڵات
چاپی دەگرن لە موڵکی سۆرانە
گەرچی ئەم دەوڵەتانە هیچی نەمان
ناویان تا ئەبەد لە ناوانە
زندووە نامرێ ئەسیریناسناوی ئەدەبی میللەتی تۆ
چون زوانی پاراستووە لە بێگانە