فێری عیلم بە
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
544 بینین
گوفتێکی وا دەڵێم کە بەکاری دین و دنیاتە
ئەی ڕۆڵە خۆشویستنی وەستا و مەلاتە
چاوت لە هەر چی جۆرە بڵندیی زەمانە بێ
باوەڕکە مامەوەسا ڕەهبەرێکی گەوراتە
گەر بێ و بەئارەزووی دڵی بی بدا دەرست
ئەو دەرسە بۆ ژیان و ئاسوودەییتە، هیواتە
هەر چەندێ بتژیێنێ باب و داک خێوی لەشن
بۆگیان پەروەریت وەسا خێوێک قاتە
ئەو عیلمە چاکە، کە دەیخاتە مێشکت زانا
بۆ چوونی تاریکیی جەهلت، چرایی ڕۆشناتە
بۆ هەر چی دەوڵەت و گەلی بێگانە بێ سەفەرت
سەرمایە عیلمتە لە دەست، بۆ تۆ سەوقاتە
لێت خۆشبێ مامەوەسا ژیر ئەبیت و بەرخوردار
خۆشەویستی ئەوی ئەی ڕۆڵە خۆشەویستیی خواتە
تەئریخی میللەتتە کاری چاکی دەسی وەستا
گەوای ئەم وتەیە مانی تاقی کیسراتە
وا تێمەگە بەژیریی خۆت تێ ئەگەی بەبێ وەستا
ئەو خێو و گڕدەری چاپە لە مەژگی میناتە
وەستا نەوازشی لاوێکی بێ لە خووندن و کردە
بۆ چاخی پیر و دواڕۆژی ئەو ئەوا هاتە
ئەی ڕۆڵە گوفتی چاکی ئەسیریناسناوی ئەدەبی لەگوێ بگری
فیردەوسی گۆی بڵندی بڵندان جێگاتە