نەخشەجێ و پێناس و تەئریخ
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
576 بینین
تێت دەنۆڕم نەخشەجێیی ئەوروپا زانایی تۆ
نەخشەجێیی نیشتمانت بۆچی نابینایی تۆ
ڕۆڵە پێناست نییە بۆ خویندنی هی ئامەریک
دەست و بردێکت هەیە گورج و گەش و وریایی تۆ
جۆگە وو ڕووبار و گۆلی خاکی پاکی خۆت نەناس
شارەزایی بۆ براوی کینە وو هاوایی تۆ
لیت بپرسن تۆزێ نازانی لە تەئریخی گەلت
زانەری تاریکی تورک و جەرمەن و غولیایی تۆ
نووسەری ناوونیشانەی کۆنە گەورەی گەل گەلێ
کەس لە زارت نابییێ ناوی سەرە و باوایی تۆ
بەسیەتی هۆشت ببێ تا کەی بێ ئەم بەدبەختییە
کەس هەیە وا لا لەوەڕبێ میللەتی هاوتایی تۆ
نەخشەجێ و پێناس و، تاریکی گەلت پێک بێنە زوو
بێژە هەڵبەستی گەلی پێویستە بۆ هیوایی تۆ
ناوی گەورەی پێشوو و ئێستەت بزانە یەک بەیەک
بۆ بڵندیت بەڵگەیە نیشانەیان بێ لایی تۆ
کورتیێکت دی لە کاری گەل بڵێ تەکمیل ئەبێ
ڕاستی هێزی هەیە، کاکی ئەسیریناسناوی ئەدەبی ڕایی تۆ