شادە گەلت
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
793 بینین
لەشم لە خاکتە، گیانم میوانتە وەتەن
مستێ لە خاکی تۆ نادەم، بەهیند و چین و خوتەن
ڕووبار و مێرگ و گوڵ و چیمەن و چەمی
کانیی شرین و باغ و ڕەز و سێبەر و سەهەن
خۆشویستنت وەها بەسۆزە، کە کاری لە کەللە کرد
ئاگر لە دڵ بەر ئەدا، جیا ئەکا لەسەر بەدەن
وا هەر خەریکە دوژمنی کۆنت بەڕۆژ و شەو
بۆ بن بڕینی میللەتی کوردت بەباو و بەن
ئەی نیشتمان ئەوانەی ڕەقیبی تۆیان دەوێ
وا تێمەگە بەشەربن، ئەوانە شەوەن
ئەی لاوی سەرفرازی گەلی کوردی دەردەدار
شادە گەلت،گەشە ڕەنگ ڕوونە، ئێوە هەن
کۆشش بکەن بەدەست و پێو قەڵەم و چاو و دەم
بێ شوبهە زوو بەزوو بەهیوای خۆتان دەگەن
لەم ڕێیە هەرچی بەڵایێ بێ گوێ مەدەنێ
یا مردنە و یا نەخۆ هیوایە پەک مەخەن
ڕۆژێ بەئارەزوو دەگەن و شار و خوڕەم ئەبن
وەلێ بەشی ئەسیریناسناوی ئەدەبی سێ پاو و پەت و کەفەن