جەرگی لەت لەتم
لە کتێبی:
دیوانی ئەسیری
بەرهەمی:
ئەسیری (1895-1962)
1 خولەک
672 بینین
دایم لە بیری وردی تێبینینی میللەتم
بۆیە کز و مەلوول و بەسۆز و بەحەسرەتم
هۆ ڕۆڵە دەردی تووە بەندی جگەرمی بڕی
تەئسیری داخی حاڵی تووە من بەعیللەتم
ئەم کوورەیەی لە سینە دەگریێ وەها بەجۆش
تیا بەڕاستی دەسووتێ جەرگی لەت لەتم
شەرت بێ نەکەم لە کاری تۆ یەک زەڕەی قسوور
گەرچی موحەققەقە تووشی سێدارە وو پەتم
من پیر و ڕەهبەری تۆم نەوڕەسیدی کورد
گەر بمکوژن لە کاری تۆدا نابێ میننەتم
ئەم ئارەزووی ئاتەشینە لەمن ئاشکارە بووە
لەومەم دەکەن گەهێ، هەڕەشە و باسی جەننەتم
هەرچەن کە تووشی تەهلوکەیێ بێم لەسەر وتن
دەم دەم زیاد ئەبێ شەرەف و شان و عیززەتم
چارەی تۆ زیندەیی وو عیلم و سەنعەتە
چارەی منیش فیداتی بکەم پوول و سەروەتم
عەرزی ئەسیریناسناوی ئەدەبی لە خزمەت مودیری کائینات
یەزدان بەزەییت بێ بەکوردی هەژاری میللەتم