فیدات بێ ڕووحی شیرینم هەتا کەی دڵ پەرێشانی
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
2155 بینین
فیدات بێ ڕووحی شیرینم هەتا کەی دڵ پەرێشانی
بەڵایێ وات بەسەر هێنام چ کەس دەرمانی نازانی
زەمانێکە لە گۆشەی بێکەسی ڕەنجووری تۆیە دڵ
حەبیبم کەعبە کەچ نابێ ئەگەر خۆت بێیە سەردانی
کەسێ لەم عەسرە نەیدیوە بەشەر وەک تۆ بە شیرینی
تەحەیور ما لە تەسویرت ئەگەر نەقاش ئەگەر «مانی»
لە منداڵێوە تەوقی بەندەگی تۆم هەر لە ئەستۆیە
وەکوو قومری دەناڵێنم عەزیزان دڵبەرم کانی
وەرە سەر چاوەیی چاوم بنۆڕە سەیلی خوێنینم
قیاسی ناکرێ ئەسڵا بە حەوز و جۆگە وو کانی
بڵێنە شۆخەکەم تاکەی لە دووری هەر بناڵێنم
وەکوو عارەب چییە جارێ کە دەستم گاتە دامانی
هەتا ئێستێکە مەشهوور بوو بە بەدنامی لە عەشقی تۆ
چ باکی لۆمەیی غەیرە لەمەولا سافی هیرانیناسناوی ئەدەبی