عەزیزێکم هەیە ئیسم و بە جیسما یووسفی سانی
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1757 بینین
عەزیزێکم هەیە ئیسم و بە جیسما یووسفی سانی
هەزاری وەک زولەیخا حەپسی نێو چاهی زەنەخدانی
لە سەد فەرسەنگەوە بۆ چاوی نابینا زیابەخشە
هەزارانی وەکوو یەعقووب لە بۆنی عەتری زولفانی
لە نێو خاکی عەجەم تاکوو عەڕەب، سەرحەددی ڕۆم و کورد
شەهی وا نابێ ئەسڵا، ساحیبی موهری سلێمانی
بە ئینساف گەر تەماشاکەن سەراپا عەیبی لێ نایێ
جەمالی یاری من بۆ ئەهلی دڵ گەنجێکە پەنهانی
لە بۆ فەرمانی یارم هەرچی گەردن کەچ نەبێ یاران
لە ژێر پێی جەهلەوە سەر دادەنێ وەک شێخی سەنعانی
مەتافی سالیکان و ڕەهنوما وو کەعبەیی عوشاق
دەربازی خودا، کانی وەفا، سوڵتانی گەیلانی
ئەگەر سوڵتانی دونیا بێ گەدای دەرگانەکەی تۆیە
بە نازی خۆت نیازی پێ کەرەم کەی سافیناسناوی ئەدەبی هیرانی