لەتاوی ئاوری دووری هەمیشە سینە بوریانە
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1640 بینین
لەتاوی ئاوری دووری هەمیشە سینە بوریانە
لە عەشقی چاوی مەخمووری بە دائیم دیدە گریانە
چ لێ بکەم نەقدەکەی ڕووحم نەبێتە سەرفی ڕێی قاسید
خەبەر بێنێ بڵێ بۆ کوشتنت یار دێتە ئێرانە
بە یادی چاوەکانی بوو کە دڵ شەیدایی بۆ ڕوودا
لە قەیدی زولفەکانی وا ئەسیری حەپس و زیندانە
شفایی زەخمەکەی دووریم بە غەیری یار بە کەس نایێ
چ یارای عەقلی ئەفلاتوون، چ جێگەی فیکری لوقمانە
تەحەیور مام چلۆن ڕێگەی درا زولفی لەسەر عارز
نە جێگەی کافرە جەننەت، خیلافی شەرع و قورئانە
لەسەر سەفحەی جەمالی یار بە خەتتی زولفی نوسرا بوو
لە ڕێی عەشقا موسوڵمان کافرە، کافر موسوڵمانە
عەجائیب خاتەمێکە لەعلی لێوی یارەکەم بۆیێ
لە دەرگانەی سولەیمان ئاسەفە، ئاسەف سولەیمانە
ئومێدی زۆر هەیە سافیناسناوی ئەدەبی نەجاتی بێ لە غەم چونکە
دەلیل مەولا وو ئەحمەد یاوەر و یار بازی گەیلانە