کە زولفی عارزی داگرت و ڕۆژی ڕوونی کرد ئاوە
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1112 بینین
کە زولفی عارزی داگرت و ڕۆژی ڕوونی کرد ئاوە
عەجەب سیڕڕێکە لەم کوفرە کە ئیمانی لە نێو داوە
لە دەرگانەت ئەگەر دەستم کەوێ خاکێ بە سەرما کەم
لە لای خۆم قیبلەکەم، تاجی کەیانم وا لەسەر ناوە
لە ڕوویی ڕەحمەوە جارێ بنۆڕە حاڵی موشتاقان
کە ناڵەی وان بە سانی نەفخی سوور و حەشرە ڕوویداوە
لە هیجرانی گوڵم جان و دڵم غارەت بوو ئەی یاران
لە جسمم گەر دەپرسن وەک موقەببا ئیسمەکەم ماوە
لە شەرقی شەوقی وەسڵت ڕۆژی عومرم وا غرووبی کرد
لە مەولا چۆن ئەبێ ژینم کەوا مەحشەر هەڵستاوە
لە بەحری عەشقی ئیزهاری غەواسیم کرد و نەمزانی
هەزار غەوواسی وەک من لەو عەمیقی کێژە داماوە
نیگار فەرمووی لە عەشقی خۆمە سافیناسناوی ئەدەبیم کوشتبوو ئەمما
موحەیەر مام چ سەگمەرگێکە ئێستێکەش دەڵێن ماوە