سیحری دڵی ماڕووتە کە شەیدایی عوزارە
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1406 بینین
سیحری دڵی ماڕووتە کە شەیدایی عوزارە
فیکری دڵی هاڕووتە کە ڕیسوایی دیارە
تەعنی مەدە بەو هەستیە لەو مەستیە زاهید
بۆ ڕەندییی من کافیە ئەو چاوە خومارە
خۆی ماهە وەیا شاهە لەسەر تەختی جووانی
یا بەدری سەما قەدرە هەموو شەو دەوو چارە
شیرینە لە ڕوو چینە کە خوێنینە هەموو دەم
بەو لێو و دەم و پەرچەم و بەو پەنجە نیگارە
ئەم نوختەیە خاڵە کە لەسەر عەینی جەماڵە
ئازاری دڵی زاری منی کردە هوزارە
ئەم پەرچەمە پڕ چینە هەموو عەسکەری چینە
بۆ غارەتی ماچینە کە ئەم چینە سووارە
سافیناسناوی ئەدەبی ئەمە شینی تووە بۆ غونچەیی لێوی
یا چەهچەهەیی بولبولە یا زاری هوزارە