حەقیتم گەر فەلەک یاران بە ئاهی دڵ بسووتێنم
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
1336 بینین
حەقیتم گەر فەلەک یاران بە ئاهی دڵ بسووتێنم
جەوازە گەر زەمین یەکسەر بە خۆێنی دیدە بڕشێنم
لە دەستی غەم جوانیم ڕۆیی و پیری ڕووبەڕووم وا هات
لەمەولا چۆن مودارا بێت و ئایا چۆن ئەبێ ژینم
لە عەشقی لەیلەکەی بێ مەیلەکە و دنیایی دوون، هەیهات
سەرێکی ڕاحتیم ساتێ نەبوو دانێمە باڵینم
لە دەردی دڵ، لە جەرگی کوڵ، لە داخی سینەکەی سووتاو
بە ڕۆژم داد و ڕۆڕۆیە، لە شەودا شیوەن و شینم
بڵێنە شۆخەکەم بێڕەحمی تا چەند، بێ وەفا تا کەی؟
بە سانی خونچە دڵتەنگ بم، وەکوو گوڵ جامە بدڕێنم
بە ڕیشی سپیەوە یاری نەکردم بەختی ڕەش جارێ
منیش بۆیە کە عادەت عاجزیی و ڕەسمە ناڵینم
لە زاری من مەکەن بێزار، سافیناسناوی ئەدەبی زۆر بە ئازارم
لە داخی سینەکەی سووتاومە ئەو ئاخە هەڵدێنم