یار لەبەر نازی جوانی مامزە، سا ڕەم دەکا
لە کتێبی:
دیوانی سافی هیرانی
بەرهەمی:
سافی هیرانی (1873-1942)
1 خولەک
2135 بینین
یار لەبەر نازی جوانی مامزە، سا ڕەم دەکا
یا لە ناڵەی عاشقانە ڕوو لە عالەم کەم دەکا
لەعلی لێوی شاهیدە موڵکی دڵم خاسی ئەوە
حەقیەتی بەو خاتەمە دەعوایی جامی جەم دەکا
ئاهی سینەی عاشقانە وا جیهانی گرتووە
لەو بزانە گەر دەماوەند بەعزە جارێ تەم دەکا
ڕوو وو خاڵی ڕەونەقی لالە و وەنەوشەی ساندووە
لالە داغدارە، وەنەوشەش بۆیێ هەر ماتەم دەکا
من ئیجارەی خەرمەنی غەم بۆ دڵی مسکین دەکەم
سووئی تالع دێت و هیجرانی لەسەر من زەم دەکا
دڵ ئەمەگدارە و کەچی مەحبووبە ئازاری دەدا
خەڵقی بۆ بیگانە وایە، ئەو لەگەڵ مەحرەم دەکا
سافییاناسناوی ئەدەبی دڵ مائیلی تەنهایی بێ عەیبی نییە
عیللەتی سەودایەتی هەر حەز لە جێی بێغەم دەکا