شەوی تار
لە کتێبی:
قەڵای ڕاز
بەرهەمی:
ژیلا حسەینی (1964-1996)
1 خولەک
923 بینین
شەوێ تارە ئەزیزم دڵ بریندار
دڵم وێڵی خەیاڵێکە ئەویندار
نەمامی یادەکانم سیس و بێئاو
دڵم پڕ خوێنە دیدەم غەرقی خوێناو
ئەسیری دەردی سەدجارەم کەسی من
نییە دەرمان و مەڵهەم غەیری زووخاو
چ شەوگارێکی بێفەردایە بێ تۆ
شەو و ڕۆژم نییە وەک ماسیی بێئاو
کچم ڕۆڵەم ئەزیزم چاوی دایە
بڕۆ نەک بتڕفێنێ ئەشکی لافاو
لەبەر نارەی گڕی ئەم جەرگە جن جن
هەناسەم ئاگرینە و سینە سووتاو
بەهارەکەس ڕۆڵەکەم چەن سەختە بێ تۆ
هەموو کاتێ ژیان وەک کانیی بێئاو