خوە دەرخە
لە کتێبی:
شەفاق
بەرهەمی:
جگەرخوێن (1903-1984)
1 خولەک
701 بینین
سبە رابە ژ پشت پەردێ خوە دەرخە
تو شێ بسکان ل سەر خالێن دقەرخە
ژ قەسرێ دەرکەڤە خانم ب تەنها
ب لار و لەنجەبە بەژنا تە تەرخە
سەری دەینم تو پێلێکە شەهێ من!
ڤەبن جارەک د سەر چاڤێن مە ئەرخە
ل سەر سنسنگێ بلا رابت قیامەت
بریندارێن دو چاڤان ببنە کەرخە
ب لێڤێن سۆر تو سەرخوەشکە مە جارەک
ل هاویر هەڤ بلیزن ماک و بەرخە
ژ وان چاڤان بەر و تیران ببارین
دور و یاقووت و زێران تەڤ دشەرخە
بهێلە بێم تەوافا هەردو لێڤان
تو دەستێ من د بەر قولپا کەمەرخە
ژ لێڤێن سۆر تو ماچەک گەر بدی من
ل سەر من پر بها و پر ب نەرخە
ئەگەر راستە خوەدێ پارێسی ئیرۆ
تو لێڤێن من د بن گۆش و گوهەرخە
د دلدە شاهـ و خانی، خانما من
دخوازی دل بسۆژی زوو خوە دەرخە
جگەرخوینناسناوی ئەدەبیم د ڤێ رێ دلبریندار
ژ دیدارا تە وەک دۆلاب و چەرخە