ئەز و یار
لە کتێبی:
شەفاق
بەرهەمی:
جگەرخوێن (1903-1984)
2 خولەک
1233 بینین
چاڤ بەلەکا من توی، پۆر خەلەکا من توی
سورمەلەکا من توی، لێ دل ب کۆڤان ئەزم
سورپەریا من توی، دێم زەریا من توی
شەنگەبیا من توی، ژار و پەریشان ئەزم
بەژن بلندێ توی، پر گەور و رندێ توی
وەک مووم و فندێ توی، ێ دل ب سۆزان ئەزم
شۆخ و شەپالێ توی، قەنج و دەلالێ توی
هەردەم ل بالێ توی، سەرمەست و حەیران ئەزم
مەمک ژ سێڤان توی، شەکەر ژ لێڤان توی
د دلدە مێڤان توی، گۆری و قوربان ئەزم
شەنگ و چەلەنگێ توی، ئاور پلنگ توی
ئەبروو ژ یانگێ توی، ئارمانج و نیشان ئەزم
تاجا دەلالا توی، شەوقا شەمالا توی
کارا خەزالا توی، ب قیر و گریان ئەزم
گولا ل باخان توی، پێتا چراخان توی
دەردێنە ساخان توی، ێ دل ب ئێشان ئەزم
سەردارێ رندا توی، تلی ژ فندان توی
یا دێم ژ قەندان توی، دل چوو ب تالان ئەزم
گولا زناران توی، گولی ژ ماران توی
پشکۆژ ژ داران توی، لێ رەنگێ خاران ئەزم
نازک و پیرۆز توی، ژ بۆ مە ئامۆز توی
ئاگری و زاگرۆز توی، رۆنک ژ باران ئەزم
روو گەور و شێرین توی، ستێر و پەروین توی
شێرین و هەم زین توی، مەمێ د زندان ئەزم
یا دل برین کر توی، جگەر ب خوین کر توی
دل هار و دین کر توی، کوشتیێ چاڤان ئەزم