ژین و هەبوون
لە کتێبی:
شەفاق
بەرهەمی:
جگەرخوێن (1903-1984)
1 خولەک
740 بینین
د ڤێ ژینێدە ئەم تەڤ دبێن: ئاخ
وەر ئەم بگهێنە هەڤ بەری ببن: ئاخ
هۆستەیێ ژینێ ئەڤ جهان چێکر
ئەز و تو ژێرە هەردوو کرن ماخ
لەمما ئەڤینێ گاڤا کو شین هات
ئەز تێدە چەند سال، چنە ئەڤ قووناخ؟
کێ ئەم ئانینە، ژ مە نەپرسی؟
چنە ئەڤ چەند سال، چنە ئەڤ قووناخ؟
کەڤن و نوو یەکن، لێ دەم دبۆرن
د ڤێ ژینێدە ئەم تەڤدە ئۆرتاخ
کێ ئەڤ دیداری، رندی دانە تە؟
کێ ل دل دانینە ئەڤ کەی و ئەڤ داخ
کومبەدا جیهان یەکسەر ئاڤا بوو
ژ بۆ ڤی خانی ئەز و تو چارداخ
جیهان پر خۆشە : ئاڤ و دار و بەر
لێ ئەم تەڤ تێدە : دار و بەر و باخ
ئەڤ ژینا ئەم تێ شەڤرەش تارستان
ئەز و تو ژێرە : رۆناک و چراخ
ئەم دووری هەڤ بن، ژین هێژایە چ؟
جاندار، بیرەوەر تەڤ دبن کەلاخ
ئەم تەڤ جگەرخوینناسناوی ئەدەبی، بێ ئۆل و بێ دین
نایێن ڤەشارتن ب کنج و یەشماخ