سەرخوەشم
لە کتێبی:
شەفاق
بەرهەمی:
جگەرخوێن (1903-1984)
1 خولەک
737 بینین
ل مەیخانێ بلا خانی بی مەیگەر
ب یەک جامێ دلێ جامی بکی تەر
جزیری و هەریری بێن سەمایێ
کۆ دلخوەشبن ب دەنگێ رست و نایێ
ب دەستێ ئەرمەنێ بگری فەقی خوەش
د دلدا گور ببن سەد پێتا ئاتەش
بلا باتی بدی لۆتان ل هاویر
بریڤکانی ل هەر ئالی بکی قیر
بلا نالی ژ رەشبسکان بنالی
ژ ماچێن لێڤ و چاڤێن رەش خەزالی
بلا هاجی و ماجن وەک سیاهپۆش
ل وێ ناڤێ بنالن گێژ و سەرخۆش
کو سەرخوەشبن ب وان رەش - خەونە –خاڤان
شکەستی پەر د ناڤ رەشبسک و داڤان
کو چیم سیمێ ل سەر چۆکا م روونی
ب من خوەشبن ژ دل ژین و هەبوونی
ژ باخێ پاخلێ بگرم دو سێڤان
مەیێ فرکم ب لێڤان ئەز ژ ژ لێڤان
بەرانێ کەل ل بەر سینگێ بەلەندیر
جگەرخوینناسناوی ئەدەبیم دبم ئیرۆ جهانگیر