جزری رابە مەیزێنە
لە کتێبی:
شەفاق
بەرهەمی:
جگەرخوێن (1903-1984)
1 خولەک
882 بینین
مەلا رابە، ئەڤینا تە گها بەر رەندەشا زانین
وە، رێ وندا و شەڤ تاری چ گەیلانی چ شیرازی
سەری هلدە بنێر چاوا گهانە ژۆرێ ئەزمانا
مە گەوهەر پەرچە کر ئیرۆ ب زانین و سەرەفرازی
ل سەر هەیڤا وەکی برهێن شەپالا تە، دکن گەشتێ
د باخێ گولشەنا دلبەر دچن، تێن ئەم ب شەهنازی
خوەدێ کانی، ل کوویە ئەو؟ سوپاهێ لەم تەرەو ئیرۆ
گەلۆ قەی پیر و بێ هاڤل دناڤ لاشەی و هەڤرازی
هەزار سالی قەلەندەر بی تو ناچی بەر دەرێ دلبەر
کو شەهنازا جوان و رند مرۆڤێن وەک تە ناخوازی
جزیری رابە نەیزێنە جزیر چاوا پەریشانە
هەمی ملەت گهان دۆزێ ب گەرناسی، ب شووربازی
ب تیرێ تۆرە دور سفتن گولێن باخێ تە پشکفتن
دڤێم ئەز وە ژ خوە راکم ب قێرین و ب دەڤسازی...
تو زانی ئەز جگەرخوینناسناوی ئەدەبیم نە دۆست و دژمنێ دینم
گەلۆ کی دغێ داخوازێ ب دەروێشی، ب گاز-گازی؟