کام سارا سەدڕەنگ نوور پێدا وەشتەن
لە کتێبی:
دیوانی مەولەوی
بەرهەمی:
مەولەوی (1806-1882)
1 خولەک
1153 بینین
کام سارا سەدڕەنگ نوور پێدا وەشتەن؟
کشتش کشتی دەشت هەر هەشت بەهەشتەن
فەزای سایەی عەرش دانای جەلیلەن
یا بارەگای پاک سەیید خەلیلکەسەن؟
ئەسراری پەردەی غەیبی مەحرەم پەیک
سایەی خودایی، سلام علیکعەرەبی
کردەم نالایق ئەر وە سڵاوەن
روو زەردیم موحتاج وە یەک جواوەن
هەر یەک شەفیعێش پەی وێش ئاوەردەن
من خەجاڵەتیی وێم شەفیع کەردەن
یەکێ جە دۆسان بەو زامی نۆوە
سەر نیان وە خاک ئاسانەی تۆوە
میهمانی غەریو کەرەمسەرای تۆن
موحتاج وە ڕێزەی سفرەی ڕجای تۆن
درێغی مەکەر، ئامان سەد ئامان
مەفەرما میهمان بێتۆشە ئامان
یا خەلیل، دەخیل کێ عادەت کەردەن
تۆشە وە دەرگای کەریمان بەردەن؟