kam sara sedřeng nûr pêda weşten
From the Book:
Dîwanî Mewlewî
By:
Mawlawi Tawagozi (1806-1882)
1 minutes
1104 views
kam sara sedřeng nûr pêda weşten?
kiştiş kiştî deşt her heşt beheşten
fezay sayey ’erş danay celîlen
ya baregay pak seyîd xelîlPersonen?
esrarî perdey ẍeybî meḧrem peyk
sayey xudayî, silam ’ilîkArabic
kirdem nalayq er we siławen
rû zerdîm muḧtac we yek cwawen
her yek şefî’êş pey wêş awerden
min xecałetîy wêm şefî’ kerden
yekê ce dosan bew zamî nowe
ser nyan we xak asaney towe
mîhmanî ẍerîw keremseray ton
muḧtac we řêzey sifrey řicay ton
dirêẍî meker, aman sed aman
meferma mîhman bêtoşe aman
ya xelîl, dexîl kê ’adet kerden
toşe we dergay kerîman berden?